A túa vida, en dixital
Ata fai uns anos, a educación era plenamente presencial e a través de medios tradicionais. O uso de novas tecnoloxías e unha metodoloxía de traballo baseada en aplicacións dixitais era só unha idea que se formulaba a medio-longo prazo ou propia dos países máis avanzados neste ámbito como Suecia ou Noruega.
Porén, ante a dixitalización de todos os sectores da sociedade, percibiuse a necesidade de cambiar o modelo educativo, cara un modelo baseado nas oportunidades que as novas tecnoloxías podían ofrecer cara ao aprendizaxe e ampliación de coñecementos. Así, ás xa dixitalizadas aulas e ferramentas que o alumnado utiliza no seu proceso de aprendizaxe, uniranse nos próximos anos novas tendencias como a Intelixencia artificial, a educación inmersiva a través da realidade virtual e aumentada ou o aprendizaxe mixto, que crearán un entorno máis adaptados e adecuados aos novos tempos.
Neste sentido Galicia emprendeu xa un camiño de adaptación a esta nova realidade educativa, chegando a posicionarse como comunidade pioneira en educación dixital, facendo que despuntase no último informe Pisa ou incluso sendo a primeira comunidade en implantar o libro dixital nas aulas.
As tecnoloxías dixitais impregnan a nosa vida profesional e privada e por iso, o feito de contar polo menos cunha alfabetización e unhas competencias dixitais básicas converteuse nunha condición previa para participar de maneira efectiva na sociedade.
A maior parte dos países europeos dispoñen de programas específicos cos que familiarizar á poboación co uso das novas tecnoloxías tan necesarias no seu día a día e cos que actualizar continuamente aos seus traballadores/as para que sexan o máis competentes posibles nun mercado laboral no que a dixitalización é practicamente plena.
Galicia está a apostar nesta liña por ampliar os coñecementos dixitais da cidadanía, e non só dos alumnos do sistema educativo galego, a través de numerosas iniciativas que teñen como base o Plan de Inclusión Dixital de Galicia. Propuxéronse diferentes actuacións para que a cidadanía galega puidese continuar formándose e adquirindo competencias dixitais, e tomáronse medidas para reducir á súa vez a fenda de acceso e uso ás novas tecnoloxías dixitais.
Un dos eidos que máis experimentou a transformación tecnolóxica en todo o mundo foi a Administración Publica, xa que é a base que sirve de precedente para a dixitalización dos demais sectores da economía. O concepto de “e-Governance” ou “Gobernanza Dixital”, entendido como unha administración sen papeis e que axiliza os seus trámites para prestar un mellor e máis rápido servizo á sociedade, estendeuse de países da nosa contorna, cara a o resto de estados de forma que o proceso de dixitalización da tramitación ou o propio contacto coas Administracións comezou a ser unha realidade.
Neste contexto, os avances acadados nos últimos anos permitiron ao Goberno galego contar con todas as pezas necesarias para avanzar cara a unha Administración sen papeis, como é o caso das notificacións electrónicas, a plataforma de interoperabilidade Pasaxe! ou o Arquivo Electrónico Administrativo. Desta forma, xa é posible iniciar telematicamente a práctica totalidade dos procedementos dispoñibles na sede electrónica, mellorando a calidade da atención á cidadanía, dende unha perspectiva unificada e omnicanal, e incrementando a personalización e proactividade na prestación dos servizos públicos a cidadáns e empresas.
A tecnoloxía chegou a todos os ámbitos das nosas vidas e da sociedade para quedarse, e o campo da Xustiza non é unha excepción. Especialmente nos últimos anos, o ámbito legal está desenvolvendo un proceso de innovación co fin de sacar o maior partido posible ás novas tecnoloxías para prestar a mellor e máis axil atención aos cidadáns e adoptar novos modelos nos procedementos xudiciais e administrativos que poden supoñer un cambio en como a sociedade percibe ás Administracións Públicas.
Galicia abordou nos úlitmos anos unha dixitalización sen precedentes, impulsada pola implantación do teletraballo, que levou á dixitalización das salas de vistas de todo o territorio mediante sistemas de videoconferencias, a sinatura electrónica da maior parte dos documentos xudiciais grazas á aplicación Minerva e a normalización do uso da Sede electrónica xudicial. Ademais, estase a traballar na implantación plena do expediente xudicial en todas as sedes.
Con isto, Galicia é pioneira en activar a sede xudicial, xa que é a primeira Comunidade Autónoma de España en facelo.
Antes do boom da dixitalización que estamos vivindo dende fai uns anos en todos os ámbitos da nosa vida, no sector sanitario xa se comezou a ver con anterioridade a necesidade de introducir as novas tecnoloxías para mellorar a atención á cidadanía.
De feito, nalgúns países a sanidade case está plenamente dixitalizada mediante a posta en marcha do historial sanitario dixital de cada paciente, tarxeta sanitaria dixital e a utilización da tecnoloxía Blockchain para asegurar a integridade e seguridade da información persoal de cada cidadán.
Neste camiño de modernización dos sistemas sanitarios, Galicia seguiu avanzando no proceso de transformación dixital co obxectivo de mellorar a calidade, a eficacia e a eficiencia dos servizos, a través da revisión das formas tradicionais e dando lugar a novos enfoques e formas de facer. Nos últimos anos leváronse a cabo diferentes iniciativas coa fin de establecer un novo modelo sanitario baseado nunha contorna virtual que permita axilizar todos os procedementos e mellorar a atención prestada á cidadanía. Desenvolveuse, por exemplo, un sistema electrónico eficiente, consultas virtuais, así como diferentes aplicacións coas que os cidadáns poder consultar información útil e variada e realizar diferentes procedementos.
A economía da experiencia atopase nun período de crecemento a nivel mundial: poder coñecer novos lugares e novas culturas resulta atractivo para toda a sociedade e máis despois dunha época de restricións. As solucións dixitais modifican cada vez máis o modo en que a cidadanía e visitantes interactúan cos recursos turísticos e culturais, polo que as novas tecnoloxías son, hoxe en día, ferramentas fundamentais dentro destes ámbitos. Melloran a experiencia dos usuarios e permiten transformar a oferta posta á disposición mediante solucións innovadoras que resolven as novas demandas da cidadanía.
Neste senso, nos últimos anos, en Galicia puxéronse en marcha diferentes plataformas tecnolóxicas, como “Smart Camiño” para resaltar o Camiño de Santiago a través das tecnoloxías dixitais como principal produto turístico da Comunidade. Ademais, activouse a biblioteca dixital de Galicia Galiciana, que actúa como porta de acceso aos recursos patrimoniais dixitais ou dixitalizados integrantes do patrimonio cultural galego, entre outras iniciativas.